: : : ХАМТДАА АЯЛЦГААЯ : : :

За бултаараа амгалан сайн л байцгааж байгаа биз дээ, ханиад томуугаас хол байгаа биз... асуултгүй сайн гэдэгт итгэж байна. хүн хүлээнгээ хуучин компъютерээсээ ганц нэг зураг оруулчихмаар санагдлаа. Энэ хэдэн жилийн өмнө Чин хуан дао руу явсан аялалын зурагнууд. Чин хуан дао гэж Тянь жиний хойхно байдаг Номхон далайн Бохай буоангийн эрэг дээрхи амралт, аялал жуулчлал өндөр хөгжсөн хот.
"Ганц нэг зураг... аялалын дурсамжууд... - 3" цааш унших »

Энэ ч нэлээд дээр үеийн зураг л даа... 2006 оны хавар Хөх хот руу зохион байгуулсан аялалын үеэр юм. Хөх хот, цаашаа Ордос орж, Чингэсийн онгон үзчихээд буцах замдаа...
"Ганц нэг зураг... аялалын зарим хөгжилтэй дурсамжууд... /үргэлжлэл 2/" цааш унших »

2009 оны 9-р сарын 1-нд Өмнөговь аймгийн Номгон сумын нутаг дахь "Сангийн далай" хийд ЮНЕСКО-гийн Ази, Номхон далайн бүсийн энэ оны "ТҮҮХ СОЁЛЫН ДУРСГАЛТ ӨВИЙН ХАДГАЛАЛТ, ХАМГААЛАЛТЫН ШИЛДЭГ"-ийн шагналыг хүртжээ. Энэхүү шагнал нь дэлхийн улс түмнүүдийн түүхийн дурсгалт барилга байгууламжууд, дэлхийн хэмжээний үнэт өв - соёлын зүйлс, хүний сод түүхэн бүтээлүүдийг үнэлж, хадгалалт хамгаалалтад авч, түүнийг бүртгэлжүүлэхэд чиглэсэн шагнал бөгөөд энэ жил Ази, Номхон далайн бүсийн хэмжээнд 14 орны 48 соёлын өв нэр дэвшсэн юм байна. Түүхийн хувьд "Сангийн далай" хийд нь 18-р зууны эхээр байгуулагдсан бөгөөд цагтаа 200 орчим лам хувраг шавилан суудаг, 11 сүм дугам, 13 жастай, говийн их торгоны зам дайрч өнгөрдөг, орон нутагтаа нэр хүндтэй олны хөлийн газар байсан гэдэг.
"Sangiin Dalai Monastery wins the Award of Excellence in the 2009 UNESCO Asia-Pacific Heritage Awards" цааш унших »

Ойрд тэнгэр муухайрахын хэрээр блогууд ч нэг л дүнсийгээд байх шиг ээ... Гадуур муухай ханиад өвчин гараад л, бүгд цухалдуу... Нямка маань аялалаа цуцлах гээ ч байх шиг, бас эргээд нэг харахаар үгүй ч юм шиг... Бас өмнөх бичлэгээ залхуураад өмнөх жилийнхийгээ татчихсан чинь бас заримд нь жаахан шүүмжлүүлж хүртэл үзлээ, хэхэ. Тэгэхээр ганц нэг аятайхан гарсан зураг хийж нөхдийн сэтгэл санаанд эерэг байдлаар нөлөөлөхийг хичээе ээ гэж... Энэ бол өнгөрсөн зуны дадлагаар явахдаа авсан зураг... Орхон гол. Өвөрхангай аймгийн Бат-Өлзийт сумын нутагт Онгоцотын гүүр өнгөрөөд голоо өгсөж Улаан цутгалан луу явах зам дагууд хэдийгээр зам нь жаахан бэрхшээлтэй ч гэсэн байгаль нь үнэндээ тасархай шүү. Тэгээд энэ сайхан байгальд цэвэр агаараар цээж дүүрэн амьсгалж, онгон байгалийг чимэглэх зэрлэг ан, амьтдаар хараа бэлчээн аялах ч жинхэнэ жаргал шүү дээ. Ай даа...
"Ганц нэг зураг... аялалын зарим хөгжилтэй дурсамжууд..." цааш унших »

Хархориноос урагшаа 90 орчим км зайд Өндөр гэгээн Занабазарыг 19 настайдаа Төвдөөс эргэн ирэхэд нь бүүний бурханы ном бясалгах, урлал бүтээлээ хийхэд нь зориулж байгуулсан "Бүтээлийн" гэгдэх хийд бий. Уг хийд дээр энэ жил олигтой гарсан зураг тун ховор байгаа тул өмнөх жилийн бичлэгийг сэргээж ганц нэг зүйл нэмж хасах байдлаар жижигхэн редакци хийгээд дахин орууллаа. Монголын анхдугаар богд Өндөр гэгээн Занабазар 1653 онд энэ хийдийг байгуулсан гэдэг. Хийдийн уг нэр нь Э Вам Гачиллин буюу Дувхан бөгөөд ярианы хэлэнд "бүтээлийн сүм" гэх утгатай энэ үг нь Төвхөн болон хувирсан юм байна. Энд өндөр гэгээн соёмбо сүлд, соёмбо үсэг зэрэг олон сор бүтээлүүдээ туурвисан бөгөөд энэ газрыг 1971 онд орон нутгийн хамгаалалтанд, 1994 онд улсын хамгаалалтанд авч 2004 онд ЮНЕСКО-оос Дэлхийн соёлын өвд бүртгэн авчээ. Арга билгийн аглаг баясгалант Төвхөн хийд гэгч энэ ариун газарт сонирхол татаж, сүсэг бишрэл дагуулахуйц зүйл олон. Үүний нэг нь энэхүү Холбоо мод юм. Өндөр гэгээн морио уядаг байсан гэх домогтой уг мод нь тусдаа үндэснээс ургасан 2 хар мод (шинэс) нэлээн дээд хэсэгтээ холбогдож ургасан байгалийн нэгэн сонирхолтой бүтээл аж. Энэхүү модыг "эдийн буяныг тэтгэн сахих шүтэн барилдлагатай" хэмээн шүтдэг байна. Иймэрхүү байгалийн өвөрмөц хэлбэр, тогтоц манай оронд цөөнгүй тохиолдох бөгөөд Монголчууд эдгээрийг байгалийн нууц хүч чадал, сүр хүчний илэрхийлэл хэмээн үзэж, элдвээр мөргөн шүтэх нь түгээмэл.
"Хөвсгөл рүү аялсан тэмдэглэл /6/ - ТӨВХӨН ХИЙД" цааш унших »

"Аялал жуулчлалыг хамтдаа хөгжүүлье" нэртэй нэгэн арга хэмжээ одоогоос нэлээд хэдэн жилийн өмнөөс аялал жуулчлалын их, дээд сургуулиудын дунд зохиогдож ирсэн бөгөөд өдгөө хэдийнээ энэ салбарынхны уламжлалт томоохон арга хэмжээ болж чадсан юм. Өмнөх жилийн тэмцээнд түрүүлсэн сургууль нь дараа жилийн арга хэмжээг зохион байгуулах бөгөөд энэ жилийн тэмцээнийг өнгөрсөн жилийн аварга "СЭРҮҮЛЭГ" дээд сургууль зохион байгуулах гэж байна. "Сэрүүлэг"-ээс ирсэн удирдамжийг энд оруулчихъя, удирдамж аваагүй, мэйлээ шалгаж амжаагүй нөхдөд зориулав. Жич: Өмнөх жилүүдийн "Аялал жуулчлалыг хамтдаа хөгжүүлье" улсын уралдааны тухай мэдээллийг доорхи линкүүдээр орж үзэж болно шүү:
""АЯЛАЛ ЖУУЛЧЛАЛЫГ ХАМТДАА ХӨГЖҮҮЛЬЕ" УЛСЫН V УРАЛДААН БОЛНО..." цааш унших »

Хархорин сум нь зөвхөн Монголын эртний нийслэлийн туурийг хадгалж байдгаас гадна энэ сумын орчимд 50 - 80 км тойрогт Монголын эртний түүх соёлын олон гайхамшигтай дурсгалууд байдаг. Энэ нь Монголчууд эртнээс нааш өөрийн нутгийн төвийг голлож нийслэл хотоо байгуулж байсны баталгаа болох юм. Ийм ч учраас тэдгээр дурсгалт газруудыг хамтатган, ЮНЕСКО-оос "Дэлхийн өв"-д "СОЁЛЫН ДУРСГАЛТ ГАЗРЫН ЛАНДШАФТ" ангиллаар бүртгэн авсан болно. 2004 онд болж өнгөрсөн энэхүү түүхэн ч гэх юм уу, гайхамшигтай ч гэх юм уу, ямартай ч Монголчууд бидний хувьд ихээхэн чухал ач холбогдолтой үйл явдлын тухай Монголчууд бид өөрсдөө харин харьцангуй бага мэддэг санагдах юм. Тийм ч учраас өмнө бичиж байсан нэг бичлэгээ дахин шинэчилж энэ цувралд оруулахыг хүссэн болой.
"Хөвсгөл рүү аялсан тэмдэглэл /5/ - ОРХОНЫ ХӨНДИЙН СОЁЛЫН ДУРСГАЛТ ГАЗРУУД" цааш унших »

Бидний аялал Өгий нуураас урагшаа давж, Монгол улсын нийслэл байршиж байсан Улаан худаг, Түрэгийн эртний хөшөө дурсгалууд бүхий Хөшөө цайдамаар дамжин Өвөрхангай аймгийн Хархорин сум руу үргэлжилсэн юм. Энэ бол маш амар хялбар зам, Өгий нуураас байгалийн шороон замаар 15 км яваад л Хөшөө цайдам луу Туркын хөрөнгө оруулалтаар байгуулсан засмал хар замд нийлж 45 км давхиад Хархоринд очно доо. Хархорин сум бол Монголын эртний нийслэл Хархорум хотын суурин дээр байгуулагдсан бөгөөд манай хамгийн том сумдын нэг гэдгийг та бид мэдэх билээ. Зургийг http://mn.wikipedia.org/ -с авлаа
"Хөвсгөл рүү аялсан тэмдэглэл /4/ - ХАРХОРИН, ЭРДЭНЭЗУУ ХИЙД" цааш унших »

Үндэсний Аялал жуулчлалын байгууллагаас ийм нэгэн зарлал ирсэн байна, хэрэгтэй хүмүүст нь түгээх зорилгоор орууллаа. "Үндэсний Аялал Жуулчлалын Байгууллагын (ҮАЖБ) урилгаар Германы аялал жуулчлалын ахлах мэргэжилтэн /senior expert/ 1 сарын хугацаатай Монголд ирээд байна. Энэ хугацаандаа Герман хэлний зах зээл дээр ажилладаг буюу ажиллах сонирхолтой байгаа туроператор, хөтөч тайлбарлагч нарт зориулан доорх 2 сэдвээр сургалт (Англи болон Герман хэл дээр) явуулах гэж байна. Үүнд:
"Зар: Германы зах зээл дээр ажилладаг туроператор болон хөтөч тайлбарлагч нарт зориулсан сургалт..." цааш унших »

Зуны амралтаар завсарласан “Tour beer” эргэж ирлээ... Та бүхнийг Монголын Аялал жуулчлалын багш судлаачдын нийгэмлэгээс аялал жуулчлалын салбарынханд зориулан зохион байгуулдаг “Tour beer” нэгдсэн арга хэмжээндээ хүрэлцэн ирж оролцохыг урьж байна.
"“TOURBEER” - Шинэ улирал эхэллээ..." цааш унших »

9-р сарын 27-нд олон улсын хэмжээнд "Дэлхийн аялал жуулчлалын өдөр"-ийг тэмдэглэн өнгөрүүлдэг уламжлалтай. Бидний хувьд ч жил бүрийн энэ өдрийг янз бүрийн уриан доор олон төрлийн арга хэмжээ зохион байгуулж тэмдэглэн өнгөрүүлдэг бөгөөд энэ жилээс эхлэн нийт фото зураг сонирхогчдын дунд "МОНГОЛЫН САЙХАН ОРОН" анхдугаар уралдааныг зохион байгуулах гэж байна. Сэдэв: Хамрах хүрээ:
"Фото зургийн уралдаан зарлаж байна..." цааш унших »

"Өвгөдийн шийрлэсэн хасагт тулганд Өөдөө цоролзсон галаа өрдөж Өрхөн дээр цугласан долоон бурханд Өлгийтэй үрийнхээ дууг сонсгохоор Айл боллоо бид хоёр" гэж дуулсаар хоёр шавь маань хуримаа хийж, тоонот гэрт толгой холбож, тостой тогоонд хошуу нийлэх болсноо дуулгаж, урилгаа өгөв өө... Дөнгөж өчигдөрхөн арван жилийн сургуулийн босго төгсөөд л их сургуульд элсэн ирж байсан санагдах юм, гэтэл одоо их сургуулиа төгсөх гээд, хажуугаар нь бас аав ээж болох гээд, амжаад бас хурим хийнэ гээд харайлгаж байдаг байна шүү, хурдан ч юм аа даа.
"АЗ ЖАРГАЛ ХҮСЬЕ" цааш унших »

БНХАУ-ын Далянь хот луу бид 9-р сарын 20-нд явахаар төлөвлөж байна. 20-нд Улаанбаатараас галт тэргээр Замын Үүд рүү хөдөлж, маргааш нь /21-нд/ Эрээн гараад автобусандаа суугаад Далянь луу явна. Автобусандаа нэг иймэрхүү, унтахдаа унтаад л, тогтохдоо тоглоод, дуулахдаа дуулаад л явна даа... Автобус нь харин нэг иймэрхүү... /2008 оны хавар аялсан аялалын үеэр/
"Далянь руу аялах аялалын хөтөлбөр ба зардлын мэдээлэл..." цааш унших »

Өнгөрсөн жил Хайнань явна гэж төлөвлөж байтал санхүүгийн хямрал гэнэт үүсээд олон хүний бодож төлөвлөж байсан энэ аялал маань бүтэлгүй болсон түүхтэй. Түүний дараа, хавар нь ингэж нэг санал асуулга маягийн авах гэж нэг үзээд..., тэндээсээ энэ аялалыг сонгоод явах гэж бас нэг үзсэн хэдий ч би өөрөө хөдөөгүүр тэнэж байж хугацаагаа оройтуулан зарлаад, нөхдүүдийн хаврын ажил эхлээд, өө бас тэр муу гахайн ханиад нь гарч, хил хорио тогтоогоод... тэр сайхан аялал дашин шог болсон бас нэг түүхтэй. тэгээд би гэдэг амьтан жаахан хор шар хөдлөөд ч юм уу, эсвэл их харамсаад ч юм уу, үгүй бол бүүр занаад ч байгаа юм уу гэмээр энэ нэгэн бичлэгийг хийж, аялалаа намар хийхээр болжээ.  За тэгээд нэлээн бодож төлөвлөсний эцэст БНХАУ-ын Далянь хот руу энэ удаагийн аялалаа зохион байгуулахаар шийдвэрлээд байна. Далянь хот бол Хятадын хамгийн хойд талын далайн томоохон боомт хотуудын нэг бөгөөд Ляонинь /Liaoning/ мужийн хоёр дахь том хот ажээ.
"Хятад руу хамтдаа аялцгаая... энэ удаа заавал явна..." цааш унших »

Аялал жуулчлалын холбогдолтой ном, сурах бичиг, бусад бүтээлийн талаар мэдээлэх, сурталчилах зорилготой тусгай бүлэг хийнэ гэж аль хэдийнээс бодож төлөвлөж байсан ч ерөөсөө ажил хэрэг болгож чадахгүй байсан юм. Харин сая нэг найз маань өөрийн оролцож, бүтээлцсэн нэг номынхоо талаар мэдээлснээр энэ удаагаас эхлэн аялал жуулчлалын ном, бүтээлүүдийн талаар мэдээлэл хүргэж байхаар болов. Уг номын нэр нь "Ази дахь дотоодын аялал жуулчлал: ялгаатай тал ба зөрүүтэй ойлголтууд" /Domestic tourism in Asia: Diversity and Divergence/.
"Аялал жуулчлалын шинэ ном: "Domestic tourism in Asia: Diversity and Divergence"" цааш унших »

Албан ажлынхаа шугамаар ганц зар явуулчихна аа...

Аялал жуулчлалын мэргэжлээр сургалт явуулж буй их, дээд сургуулиуд олон байгаа ч салбарын нийт ажиллагсдын дунд өөр салбарын, өөр мэргэжлийн хүмүүсийн эзлэх хувийн жин их хэвээрээ байсаар л байна. Энэ дунд худалдаа наймаа болон өөр салбарт ажиллаж тодорхой хэмжээний мөнгө хуримтлуулчихаад аялал жуулчлалын салбарт нэвтрэгсэд байна, гадаад хэлний чиглэлээр суралцаж төгсөөд хөтөч тайлбарлагч хийдэг хүмүүс олон байна, өөр мэргэжилтэй ч өөрийн дур сонирхлоор энэ салбарт ажиллаж байгаа хүмүүс байна, өөрийн оршин суудаг нутаг оронд хөгжиж байгаа аялал жуулчлалын үйл ажиллагаанд хүссэн ч эс хүссэн ч татагдан орсон хүмүүс ч олон байдаг. Тэдэнд мөнгө зардлаас гадна мэдлэг мэдээлэл, туршлага дутах нь олонтаа, үүнээс үүдээд:

• эх орныхоо байгаль, газарзүйн онцлогийг танин мэдэж, хайрлаж хамгаалж чадахгүй байна,
• жуулчдадаа түүх соёл, зан заншил, ард түмний ахуй соёлын талаар бодитой үнэн зөв ойлголт өгч чадахгүй байна,
• аялал жуулчлалаас олж болох үр ашгийг бүрэн дүүрэн хүртэж чадахгүй байна

Иймд Монгол Улсын Их Сургуулийн Газарзүй - Аялал жуулчлалын тэнхимээс тэдгээр хүмүүст зориулсан 2,5 жилийн оройн ангид элсэлт авч байна. Элсэхийг хүсэгчид дээд боловсролтой байх ёстой. Бүртгэл МУИС-ийн хичээлийн 6-р байрны 201 тоотод явагдаж байна.

Харилцах утас: 311809, 99080577

Өгий нуурын эрэг дээр мэдээлэл, сургалтын төвийн нээлт болсонтой холбогдуулан бэсрэг наадам бас зохиогдсон юм, соёолон болон их насны хурдан морь уралдуулж, бас 32 бөх барилдсан.
"Хөвсгөл рүү аялсан тэмдэглэл /3/ - УЛААН ХУДАГ, ХӨШӨӨ ЦАЙДАМ" цааш унших »

Бид Хөгнө хаан уулаас хөдлөөд Элсэн тасархайгаар дайраад Өгий нуур луу явсан. Өмнөх аппаратаа элс оруулж эвдсэн учир айгаад аппаратаа Элсэн тасархайд гаргаагүй юм, тэнд оюутнуудын авсан зургуудаас намар нөхөж оруулъя.
"Хөвсгөл рүү аялсан тэмдэглэл /2/ - ӨГИЙ НУУР" цааш унших »

За бултаараа сайн сууцгааж байна уу? Сар гаруй хугацаанд нэг ч бичлэг нэмээгүй шалтгаан нь Хөвсгөлийн чиглэлд Аялал жуулчлалын менежментийн ангийн оюутнуудынхаа хамтаар танилцах дадлага аялалдаа яваад ирлээ. Аялал бол мэдээж амжилттай, сайхан болсон... Тайланг хэсэгчлэн гаргах болно. Энэ аялалаараа бид Монголын аялал жуулчлалын гол замналын дагуух үзмэрүүдийг үзэхээс гадна "Green sertification" буюу аялал жуулчлалын ногоон гэрчилгээжүүлэлтийн чиглэлээр зарим судалгааг хийсэн. Бас би аппаратаа сольж, NIKON D80  гэдэг сайхан аппараттай явсан, их л олон сайхан зураг дарахыг хүсэж байсан ч туршлага нэлээн дутсанаас зарим нь тийм ч олон сайхан зураг дарж чадаагүй байна, зургуудаас харагдах биз ээ. Дадлагын эхний зураг... Хөгнөхаан уул руу явах замд таарсан юм. Тас мөн байх гэж бодсон /би шувуудыг сайн ялгадаггүй юм/
"Хөвсгөл рүү аялсан тэмдэглэл /1/ - ХӨГНӨ ХААН УУЛ" цааш унших »

Нийслэлийн ногоон бүсийн ойн сан бүхий Сүхбаатар дүүргийн Хандгайт, Шаргаморьт, Гоодой, Бэлх, Сэлх, Чингэлтэй дүүргийн Яргайт, Яргайтын богино, Жигжидийн амуудад ойн хөнөөлт шавьжтай тэмцэх тэмцлийн ажлыг зургадугаар сарын 22-ны өдрөөс АН-22 онгоцоор хийх тул долдугаар сарын 01-нийг хүртэлх 10 хоногийн хугацаанд дээрх газруудын ойд аялал зугаалга хийх, мал бэлчээх, хүнсний зориулалтаар ургамал түүж бэлтгэхгүй байхыг анхааруулж байна.

 НИЙСЛЭЛИЙН БАЙГАЛЬ ХАМГААЛАХ ГАЗАР