: : : ХАМТДАА АЯЛЦГААЯ : : :

9-р сарын 27-нд олон улсын хэмжээнд "Дэлхийн аялал жуулчлалын өдөр"-ийг тэмдэглэн өнгөрүүлдэг уламжлалтай. Бидний хувьд ч жил бүрийн энэ өдрийг янз бүрийн уриан доор олон төрлийн арга хэмжээ зохион байгуулж тэмдэглэн өнгөрүүлдэг бөгөөд энэ жилээс эхлэн нийт фото зураг сонирхогчдын дунд "МОНГОЛЫН САЙХАН ОРОН" анхдугаар уралдааныг зохион байгуулах гэж байна.

Сэдэв:

• Сэдвийн хувьд хамрах хүрээ чөлөөтэй, гагцхүү та Монгол орны байгаль, түүх соёл, хүн ардын аж амьдралыг харуулсан фото гэрэл зургаа л илгээх шаардлагатай.

Хамрах хүрээ:

• Фото зураг сонирхогч хэн бүхэн энэ уралдаанд оролцох боломжтой.

Тавигдах шаардлага:

• Зургийн хэмжээ 16 х 22, түүнээс дээш байж болно.
• Уралдаанд ирүүлж буй бүтээлийг хэзээ, хаана авсан тухай товч мэдээллийг хамт ирүүлнэ.
• Бүтээлийг дугтуйнд хийж, дугтуйны гадна талд нэр, хаяг, холбоо барих утсаа бичээрэй.
• Нэг оролцогч дээд тал нь 10 хүртэл тооны бүтээл ирүүлэх боломжтой.

Бүтээл хүлээн авах ба шалгаруулах:

• Уралдаанд оролцох бүтээлийг 2009 оны 9-р сарын 25 хүртэл МУИС-ийн Хичээлийн 6-р байрны 208 тоотод "Газарзүй - Аялал жуулчлалын тэнхим"-д хүлээн авна.
• Уралдаанд ирсэн бүтээлүүдээр 9-р сарын 28-ны өдөр үзэсгэлэн гаргаж, уралдааны ялагчдыг тодруулна.

Шагналын сан:

• Нэгдүгээр байр 1.  Өргөмжлөл, мөнгөн шагнал, дурсгалын зүйл
• Хоёрдугаар байр 1. Өргөмжлөл, мөнгөн шагнал, дурсгалын зүйл
• Гуравдугаар байр 1. Өргөмжлөл, мөнгөн шагнал, дурсгалын зүйл

Зохион байгуулагч:

• Газарзүй - Аялал жуулчлалын тэнхим
• Улаанбаатар хотын хэрэгжүүлэгч агентлаг - Аялал жуулчлалын газар
• МУИС-ийн аялал жуулчлалын ангийн оюутны WELCOME клуб