: : : ХАМТДАА АЯЛЦГААЯ : : :

Ойрд тэнгэр муухайрахын хэрээр блогууд ч нэг л дүнсийгээд байх шиг ээ... Гадуур муухай ханиад өвчин гараад л, бүгд цухалдуу... Нямка маань аялалаа цуцлах гээ ч байх шиг, бас эргээд нэг харахаар үгүй ч юм шиг... Бас өмнөх бичлэгээ залхуураад өмнөх жилийнхийгээ татчихсан чинь бас заримд нь жаахан шүүмжлүүлж хүртэл үзлээ, хэхэ. Тэгэхээр ганц нэг аятайхан гарсан зураг хийж нөхдийн сэтгэл санаанд эерэг байдлаар нөлөөлөхийг хичээе ээ гэж...

Энэ бол өнгөрсөн зуны дадлагаар явахдаа авсан зураг... Орхон гол. Өвөрхангай аймгийн Бат-Өлзийт сумын нутагт Онгоцотын гүүр өнгөрөөд голоо өгсөж Улаан цутгалан луу явах зам дагууд хэдийгээр зам нь жаахан бэрхшээлтэй ч гэсэн байгаль нь үнэндээ тасархай шүү. Тэгээд энэ сайхан байгальд цэвэр агаараар цээж дүүрэн амьсгалж, онгон байгалийг чимэглэх зэрлэг ан, амьтдаар хараа бэлчээн аялах ч жинхэнэ жаргал шүү дээ. Ай даа...

Тэгээд бас аялалын замд тохиолдох хөгжилтэй сайхан дурсамж болгон нь нэгэнт өнгөрөн одсон хүмүүний амьдралын тэр сайхан хором бүхнийг улам үнэтэй болгож, эргэн дурсагдана. Тэр тусмаа залуусын аялал дэндүү хөгжилтэй, дурсамжтай байдаг нь аргагүй л "галзуу барын аманд гараа хийхээс ч буцахгүй" залуу сайхан насны онцлог биз...

Өмнөх бичлэг Нямка намайг Эхийн умай агуйд гацсан уу гээд байна лээ, би оюутнууддаа ингэж ороод ингэж гарч ирнэ гээд хамгийн түрүүнд орж үзүүлнэ ш дээ, ердөө ч гацахгүй. Харин энэ зурган дээрхи тохигор нөхөр тэнд нэлээн удсаан... Яг тэр үед миний хүү Ангаахай шээмээр байна гээд, тэгэхээр нь ийм дагшин газарт шээж болохгүй гээд ундааны саванд шээлгэчисэн юм... За тэгээд энэ маань тэндээс үхлээ хатлаа гэж орилоод, би ч яахав "хүнд тусламтгай хүн", гарт байсан ундаагаа л араас нь явуулчихлаа ш дээ... хэхэ. Тэгсэн чинь нөгөөх чинь орилоод л явчихсан, төд удалгүй гараад ч ирлээ... юуг нь анзааралгүй хэд том балгаад талыг нь уучихсан байна лээ... Хамгийн хөгжилтэй нь энэ аялалын үед мань хүн 2 ч удаа миний хүүгийн шавсанг санаандгүй уучихсан юм даа гэж...